2019 жылғы 15-24 ақпан аралығында Принс-Джордж қаласында (Канада) өтетін Чемпионат алдындағы биатлоннан және шаңғы жарысынан оқу-жаттығу жиыны 2019 жылғы 28 қаңтар – 10 ақпан аралығында Щучинск қаласында өтуде.
Оқу-жаттығу жиынының мақсаты: спортшылардың дене даярлығын жетілдіруге ықпал ететін, спортшылардың дене шынықтыру және техникалық даярлық деңгейін, жалпы дене шынықтыру даярлығының және арнайы дене жаттығуларының деңгейін арттыру, сондай-ақ қысқы спорт түрлерін дәріптеу және спорттық шеберлікті арттыру болып табылады.
Оқу-жаттығу жиынына қатысатын спортшылар: Паралимпиада чемпионы Колядин Александр, паралимпиада ойындарының қатысушылары Герлиц Александр, Петренко Денис, Усольцев Сергей.
Оқу-жаттығу жиыны Қазақстан Республикасының еңбегі сіңген жаттықтырушысы Коломиец Василий Сергеевичтің басшылығымен өтеді.
