Ақтада сурдо дзюдодан Қазақстан кубогы аяқталды
26-28 мамыр аралығында Ақтау қаласында есту қабілеті зақымданған спортшылар арасында сурдо дзюдодан Қазақстан кубогы өтті. Жарысқа еліміздің 14 өңірінен 80-ге жуық татами шебері қатысып, 14 салмақ дәрежесі бойынша ( ерлер – 7, әйелдер – 7) бақ сынады.
Жарыс қорытындысы бойынша жалпы командалық есепте бірінші орынды Жамбыл облысы (2 алтын, 2 күміс), екінші орынды Алматы облысы (2 алтын, 2 күміс, 1 қола) , ал үшінші орынды Абай облысы (2 алтын, 3 қола) иеленді.
Турнир нәтижесі бойынша үздік көрсеткішке қол жеткізген спортшылар ұлттық құрама сапына іріктеледі. Аталмыш жарыс 15-26 қараша аралығында өтетін жазғы Сурдлимпиада ойындарына дайындықтың маңызды кезеңі болды. Маусым айында ұлттық құраманың спортшылары Алматы облысында оқу-жаттығу жиындарын өткізеді.
