Сараево (Босния және Герцеговина) қаласында өткен волейболды отырып ойнаудан әлем чемпионаты мәресіне жетті. Жарысқа 16 мемлекеттің командалары қатысты.
Қазақстан құрамасы топтық кездесуде Иран, Ирак және Хорватия командаларымен сыңға түсіп, 1/16 кезеңге екінші орыннан шықты. Келесі қарсыластары Сербия құрамасын 3:0 есебімен жеңіп, 1/8 кезеңінде Босния және Герцеговина командасына есе жіберді. Жарыстың 5-6 орындарына Германия құрамасымен кездесіп, жеңіліс тапты. Ал 7-ші орынға таласта Украина командасын 3:2 есебімен жеңді.
«Еліміздің пара волейболшылар Мәдениет және спорт министрлігінің және Sport Qory-ның қолдауымен әлем чемпионатына қатысты. Нәтижесінде еліміздің құрамасы чемпионатта өзінің әлемдегі рейтингісін жаңартты. Айта кетсек, 2014 жылғы әлем чемпионатында еліміз 13-ші орынға, 2018 жылы 10-шы орынға ие болса, ал биыл 7-ші орыннан көрінді. Бұл жетістік, елімізде пара волейбол спорт түрінің қарқынды дамуының айқын көрінісі», – деді Қазақстандық пара волейбол федерациясының хатшысы Батыр Қадырбайұлы.