Финляндияда Ербол Хамитов пара биатлоннан Әлем кубогының бірінші кезеңінде 10 км қашықтықты 32:37.0 уақытта бағындырып, алтын жүлдеге ие болды. Екінші орын украиналық қарсыласы Тарас Радқа (33:41,6), ал үшінші орын украиндық Александр Алексикке (33:50,7) бұйырды. Әлем кубогының кезеңіндегі бұл жеңіс Қазақстан тарихындағы алғашқы алтын медаль.
Еске сала кетсек, Пара шаңғы мен пара биатлоннан әлем кубогының кезеңі Финляндияның Вуакатти қаласында 7-19 желтоқсан аралығында өтуде. Жарыста Ербол Хамитов пара шаңғыдан 5 км қашықтықта күміс жүлде, 10 км қашықтықта қола жүлдені еншілесе, ал Александр Герлиц пара биатлоннан 12.5 км қашықтықта қола медальға ие болған.