Ербол Хамитов пара шаңғы мен пара биатлоннан өткен Әлем кубогының бірінші кезеңінде 5 км қашықтықты 2:01.20 уақытта бағындырып, күміс жүлдеге ие болды. Ербол канадалық спортшы Кэмерон Коллиннан 1:53.90-ке қалып қойды. Ал үшінші орынды украиналық спортшы Рад Тарас еншіледі.
Айта кетсек, пара шаңғы мен пара биатлоннан Әлем кубогы үш кезеңде өтеді. Алғашқы кезең Финляндияның Вуокатти қаласында 7-19 желтоқсан аралығында өтуде. Екінші кезең АҚШ-та, үшінші кезең Жапонияда өтуі жоспарланған. Әлем кубогының кезеңдерінің нәтижесі бойынша үздік спортшылар 2026 жылы өтетін қысқы Паралимпиада ойындарына жолдама алады.