Қазақстан Республикасы Тәуелсіздігінің 25 жылдығын мерекелеу аясында «Дене мүмкіндіктері шектеулі тұлғаларға арналған спорттық даярлау орталығы» РМҚК-мен тағы дартс пен асық атудан жарыс өткізілді.
Дартс бойынша барлығы 13 қызметкер қатысты. Жарыс қорытындысы бойынша ерлер арасында 3-орынды жүргізушісі С. Сеньков, 2-орынды әдіскер Р. Курманбаев, 1-орынды жоғарғы жетістіктер спорты және халықаралық байланыстар бойынша директор орынбасары Р.Т. Кайрбаев ұтып алды.
Әйелдер арасында 3-орынды әдіскер А. Тукеева, 2-орынды кадр инспекторы А. Ермагамбетова, 1-орынды заңгер А. Андабаева ұтып алды.
Сонымен қатар, 2016 жылы 29 қарашада Астана қаласының №18 орта мектебінде СДО қызметкерлерінің қатысуымен асық атудан турнир өткізілді.
Барлығы 14 адамнан тұратын 2 команда қатысты. Командалық есепте СДО командасы бірінші орынға, ал №18 мектеп командасы – 2 орынға ие болды.
Жеке есепте бірінші орынға №18 мектеп командасының асық атудан жаттықтырушысы Ескендір Рахметов, екінші орынға №18 мектеп оқушысы ие болды. СДО қызметкері, жоғарғы жетістіктер спорты және халықаралық байланыстар бойынша директор орынбасары Р.Т. Кайрбаев – 3 орынға ие болды.
Сонымен қатар, қыздар арасында «бес тас» жарысы өтті.
Барлық қатысушыларды, жүлдегерлер мен жеңімпаздарды құттықтаймыз!