Португалияда өтіп жатқан пара жүзуден әлем чемпионатында қазақстандық Андрей Афанасьев брасс әдісімен жүзуден (SB12) финалда 100 м қашықтықты 1:13.65 уақытта өтіп, қола жүлдеге ие болды. Финалда 1:05.66 секунд уақытпен Әзірбайжан спортшысы алтын медальға қол жеткізіді, ал күміс медальді 1:07.92 сек. нәтижесімен Украина спортшысы еншіледі.
Айта кетсек, пара жүзуден әлем чемпионаты маусым айының 8-18 аралықта өтуде. Жарыста 60 мемлекеттен 500-ден астам спортшы қатысып, бақ сынауда. Ел құрамасы сапында төрт спортшы өнер көрсетіп жатыр. Жарыстың бірінші күндері қазақстандық Нұрдаулет Жұмағали күміс медальға және Сиязбек Далиев қола медальға ие болды.