Гиза қаласында ақпанның 25-27 аралығында пара үстел теннисінен Мысыр елінің Fa 20 ашық чемпионаты өтті. Жарысқа әлемнің 18 мемлекетінен 125 спортшы қатысты.
Чемпионатта 14 қазақстандық спортшы өнер көрсетіп 11 медальді еншіледі: 1 «күміс» және 10 «қола».
Жекелей сында келесі спортшылар жүлдегер атанды:
Имаков Мади – 3 орын (2 класс);
Орынбаева Раушан – 3 орын (7 класс);
Махулбеков Али – 3 орын (8 класс);
Қанат Усенов – 3 орын (6 класс);
Азамат Оразбек – 3 орын (7 класс);
Ержанқызы Алтынай – 3 орын (9 класс);
Эрекеев Талғат – 3 орын (9 класс).
Жұптық сында келесі спортшылар жүлдегер атанды:
Аралас жұп (XD 17) күміс жүлде – Махулбеков Али және Ержанқызы Алтынай;
Қыздар жұбы (WD 14-20) қола жүлде – Орынбаева Раушан және Ержанқызы Алтынай;
Ерлер жұбы (MD 4) қола жүлде – Имаков Мади және Нурмагамбетов Ардақ;
Аралас жұп (XD 14) қола жүлде Оразбек Азамат және Габриела Константин (Румыния).