Қазақстандық шахматшылар Еуропа чемпионатында жүлделі орындарға ие болды
Наурыздың 28-і мен сәуірдің 2-і аралығнда Испанияның Кордова қаласында есту қабілеті төмен спортшылар арасында Еуропа чемпионаты өтті. Жарысқа 13 мемлекеттен 50-ге жуық спортшы қатысты.
Қазақстандық шахматшылар «Швейцариялық» жүйе бойынша 11 турдан тұратын жекелей блицтен және 10 турдан тұратын командалық рапидтен бақ сынады.
Ерлер арасында жарыстың жекелей кездесулерінің нәтижиесі бойынша 1-ші орынды Дмитрий Мочальский жеңіп алды. Өз тақстасында өнер көрсеткен Самажан Кеттебеков екінші орынды иеленсе, Максим Рожков пен Елдос Кузербаев 3-ші орынға табан тіреді.
Сондай-ақ, әйелдер командасы сапында Халықаралық дәрежедегі спорт шебері – Әлия Мұратова мен Наталья Горохова да бақ сынады. Алайда, жартылай финалға шыға алмай, қарсыластарына есе жіберді.
Жалпы командалық есепте, Қазақстан үздіктер қатарынан 4 –ші орыннан көрінді. 1-ші орынды Украина, 2-ші орынды Испания иеленсе, 3 орынға Польша командасы ие болды.
