Сыбайлас жемқорлықтың алдын алу жұмыстары түсіндірілді
Бүгін Дене мүмкіндігі шектеулі тұлғаларға арналған спорттық даярлау орталығының (одан әрі – Орталық) ұжымына сыбайлас жемқорлықтың алдын алу жұмысын жүргізу бойынша түсіндіру жұмыстары өтті.
Іс-шараны Орталықтың комплаенс офицері Әділхан Өмірзақов ұйымдастырды. Мекеме ұжымына Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасы шеңберінде жобалық басқарудың 4-блогы «Сыбайлас жемқорлықтың алдын алу және оған қарсы іс-қимыл» үлгілік базалық бағыты түсіндірілді. Кездесу барысында ұжым тарапынан бірқатар ұсыныстар ортаға салынып, талқыланды.
Іс-шара соңында Орталықтың басқарма және бөлім басшылары сыбайлас жемқорлықты алдын алудағы комплаенс қызметтің маңыздылығын атап өтіп, бұл бағыттағы жұмысты сапалы атқару үшін барлық міндеттерді орындайтындығын алға тартты.
