Милан-Кортина қысқы Паралимпиада: Александр Герлиц бірінші жарыс күнін 11 орынмен қорытындылады
Италияда қысқы Паралимпиада ойындарында Александр Герлиц пара биатлоннан 7,5 км спринттік жарыс дисциплинасында 20 минут 18 секунд уақыт көрсеткішімен 11 орынға тұрақтады.
Бұл оның спорттық карьерасындағы үшінші Паралимпиадасы. 2022 жылы Александр Герлиц Пекинде қысқы Паралимпиада ойындарында пара биатлоннан 10 км дистанциясында қола жүлдегер атанған болатын.
Бүгінгі жарыс бағдарламасының жүлдегерлері :
1. Цай Цзяюнь (ҚХР)
2.Лю Сяобин (ҚХР)
3.Майер Марко (Германия)
Ертең осы спорт түрінен 12,5 км қашықтықта Ербол Хамитов, Александр Герлиц, Юрий Березин, Сергей Усольцев жарыс жолына шығады.
Трансляция Qazsport телеарнасында Астана уақытымен сағат 14:30-да басталады.
