Қазақстан пара дзюдодан Әлем кубогында 7 медаль жеңіп алды

Көру қабілеті зақымданған спортшылар арасында пара дзюдодан Әлем кубогында Қазақстан құрамасы 2 алтын, 1 күміс және 4 қола медаль еншіледі.

J2 классында -70 кг салмақ дәрежесінде өнер көрсеткен  Ибрагим Нұрмаханұлы мен J2 класссында -81 кг салмақта Бексұлтан Құлмырза  алтын медальді жеңіп алды. Ал, +95 кг салмақта J1 классында  Ерлан Утепов күміс жүлдені қанжығасына байлады. Асылан Нұрдәулетов (J1, -70 кг), Бағланбек Оналбек (J1, +95 кг), Жұрқамырза Шүкірбеков (J2, +95 кг) және Даяна Федосова (J2, -60 кг) қола жүлдеге ие болды.

Жалпы медальдік есепте Қазақстан командасы үшінші орын алды. Бірінші орынды 5 алтын, 3 күміс және 3 қола медаль нәтижесімен  Бразилия командасы жеңіп алса, 3 алтын, 2 күміс және 1 қола медальмен бейтарап елдің спортшылар  құрамасы (NPA) екінші орынды иеленді.

Айта кетсек, пара дзюдодан Әлем кубогы Тбилисиде (Грузия ) қаласында 24–25 наурыз аралығында өтті. Жарысқа 24 елден 163 спортшы қатысты.