Арбадағы теннистен Plock Open халықаралық турнирінде қазақстандық пара спортшы Евгений Быковский мен словакиялық Томаш Масарикпен бірге жұптық сында Фатих Каратас (Түркия) пен Тихиро Ёсикаваны (Жапония) 2:0 (6:1, 6:4) есебімен жеңіп, жарыс жеңімпаздары атанды.
«Бұл жарыста Қазақстан командасының спортшылары open және quad кластарында өнер көрсетті. Quad класында тірек-қимыл аппаратының зақымдану деңгейі ең төменгі талаптарға сәйкес келетін спортшылар қатысады. Ал Open класында аяқтарының қозғалысы айтарлықтай шектелген, сондай-ақ жоғарғы денесінде қосымша шектеулерлері бар спортшылар қатысады. Plock Open жарысында open класында ел намысын Айжан Бутимбаева, Ердаулет Кадымбергенов, Жанат Умуткулова , Нұрсұлтан Ниязкулов және quad класында Евгений Быковский қорғады. Алдағы уақытта Евгений Быковский, Айжан Бутимбаева және Ердаулет Кадымбергенов 18-24 қазан аралығында Жапонияда өтетін V Азия Пара ойындарында бақ сынайды. Биыл бұл додаға спортшыларымыз алғаш рет қатысқалы отыр.Аталмыш бәсекеде командамыз жақсы нәтиже көрсетеді деген үміттеміз»,-деді Дене мүмкіндіктері шектеулі тұлғаларға арналған спорттық даярлау орталығының арбадағы теннистен команда басшысы Жандос Гизат.
Айта кетейік, тірек-қимыл аппараты зақымданған спортшылар арасында арбадағы теннистен Plock Open халықаралық жарысы Польшаның Плоцк қаласында 10-17 қыркүйек аралығында өтті. Турнирге Қазақстан, Франция, Германия, Эстония, Польша, Япония, Ұлыбритания, Словакия, Латвия, Турция, Болгария мен Чехия командалары қатысты.
Facebook
Telegram
WhatsApp
Twitter