Германияның Финстерау қаласында тірек-қимыл аппараты және көру қабілеті зақымдалған спортшылар арасында пара шаңғы жарысынан өткен әлем кубогында Ербол Хамитов LW12 классында 900 м спринттік жарыста 02:56.13 уақыт нәтижесімен мәре сызығын екінші болып кесті. Дәл осы дисциплинада бразилиялық Рибера Кристиан (02:55.74) чемпион атанса, қытайлық Мао Чжуну (02:58.73) қола медальға қол жеткізді. Айта кетсек, пара шаңғы жарысынан әлем кубогы 14-18 қаңтар аралығында өтіп, жарысқа 25 елден 200 спортшы қатысты. Аталмыш бәсеке 6-15 наурыз аралығында Милан-Кортинада өтетін Қысқы Паралимпиада ойындарына рейтингтік жарыс болып табылады.
Facebook
Telegram
WhatsApp
Twitter