КЕРЛИНГШІЛЕР КАНАДАДА ӨТЕТІН ӘЛЕМ ЧЕМПИОНАТЫНА ДАЙЫНДАЛЫП ЖАТЫР

Өткен аптада Алматыда есту қабілеті төмен спортшылар арасында керлингтен оқу-жаттығу жиындары басталды. Спортшылар ағымдағы жылдың наурыз айында Канаданың Банф қаласында өтетін әлем чемпионатына дайындалуда. Спортшылардың жалпы және арнайы дене дайындығы "Алматы Арена" мұз сарайының керлинг базасында, аға жаттықтырушы Светлана Клинскаяның басшылығымен өтуде. Аталған оқу-жаттығу жиындары 2 наурызға дейін жалғаспақ.