Қазақстандықтар пара дзюдодан әлемдік Гран-при сериясында жүлдегер атанды
Александрия (Мысыр) қаласында пара дзюдодан әлемдік Гран-при сериясында қазақстандық спортшылар жүлделі орындарды жеңіп алды.
Жарыста ерлер арасында Олжас Оразалыұлы (73 кг J2) мен Ерлан Утепов (+90 кг J1) екінші орын, Ерғали Шамей (73 кг J1), Жанбота Аманжол (90 кг J2), және Ерлан Конкиев (+90 кг J2) үшінші орын алды. Ал, әйелдер арасында Даяна Федосова (57 кг J2) күміс жүлдегер атанды.
Айта кетсек, әлемдік Гран-при сериясы 13-14 наурыз аралығында өтті. Жарысқа 30 мемлекеттен 160-қа жуық спортшы қатысты.
