Есту қабілеті зақымданған спортшылар арасында Азия-Тынық мұхиты чемпионатында Фаина Мейрманова сурдо жеңіл атлетикадан ұзындыққа секіруден 5 м 37 см нәтижесімен күміс жүлдегер атанды. Оған қоса, Балжан Джумагазыева шахматтан блиц ойын түрінен қола медаль жеңіп алды.
Алдағы уақытта қазақстандық спортшылар сурдо бадминтоннан жұптық және аралас-жұптық, сурдо шахматтан классика және рапид бойынша, ал сурдо жеңіл атлеттер 100 м, 110 м, 400м кедергімен жүгіру, балға, диск, найза лақтыру, ядро итеру, 200 м,400 м жүгіру және 4х400 эстафета дисциплиналары бойынша сынға түседі.
Айта кетейік, Азия-Тынық мұхиты чемпионаты 3-9 қазан аралығында сурдо үстел теннисі, сурдо боулинг, сурдо бадминтон, сурдо жеңіл атлетика, сурдо шахматтан өтеді. Жарысқа 19 елден 400-ге жуық спортшы қатысуда.
Еліміздің тарапынан сурдо бадминтон, сурдо шахмат және сурдо жеңіл атлетикадан 17 спортшы ел намысын қорғайды.
Facebook
Telegram
WhatsApp
Twitter