Дегтярев Давид
Дегтярев Давид Мамиевич – 1996 жылы 12 маусымда Атбасар қаласында дүниеге келген, қазіргі уақытта сол жерде тұрады. Слесарь-механик мамандығы бойынша арнайы орта білімі бар.
Давид – пара пауэрлифтингтен Қазақстан Республикасының еңбек сіңірген спорт шебері, 54 кг салмақ дәрежесінде өнер көрсетеді. Жеке бапкері – Юрий Николаевич Колесников.
Давидтің спорттық мансабы 8 жыл бұрын басталды, осы уақыт ішінде ол халықаралық аренада елеулі жетістіктерге қол жеткізді. 2020 жылы Токиода өткен Паралимпиада ойындарында Давид алтын медаль жеңіп алды.
Давид Дегтяревтің негізгі жетістіктері мыналарды қамтиды:
– 2017 жылы Дубайдағы (БАӘ) Әлем кубогында және Мехикодағы (Мексика) Әлем чемпионатына қатысты.
– 2018 жылы Дубайда (БАӘ) өткен Әлем кубогында 2-орын, Китакюсю қаласында (Жапония) өткен Азия және Океания чемпионатында 3-орын және Джакартада (Индонезия) өткен Азия Паралимпиада ойындарында 2-орын алды.
– 2019 жылы Нұр-Сұлтанда (Қазақстан) пара пауэрлифтингтен өткен Әлем чемпионатына қатысып, Ақтөбеде өткен Қазақстан Паралимпиада ойындарында 1-орын алды.
– Токио – 2020 Паралимпиада ойындарында алтын медаль алып, Тбилисиде (Грузия) өткен Әлем чемпионатында жеңімпаз атанды.
– 2022 жылы Пхёнтхэкте (Оңтүстік Корея) өткен Азия және Океания чемпионатында және Дубайда (БАӘ) өткен FAZZA Әлем кубогында жеңіске жетті.
– 2023 жылы Қазақстанның VI Паралимпиада ойындарының чемпионы болып, Дубайда (БАӘ) өткен Әлем чемпионатында 1-орын алды.
Ол «Құрмет» орденінің иегері.
