13-16 қыркүйек аралығында Бразилияның Сан-Паулу қаласында пара таеквондодан III Панамерика ашық турнирі өтті. Жарысқа әлемнің 12 мемлекетінен 75-тен астам спортшы қатысты.
Қазақстандық пара таеквондошы Кәмиля Досмалова -57 кг салмақта К-44 классында өнер көрсетіп, жарыста қола медальді жеңіп алды.
«Еліміздің пара таеквондошылары ірі халықаралық жарыстарда жақсы өнер көрсетуде. Париж-2024 Паралимпиада ойындарына жолдама алу үшін барлық санаттар бойынша рейтинг жинау біздің басты мақсат болып табылады. Алдағы уақытта G-6 санатында Англияда өтетін биылғы жылдың соңғы Гран-При жарыстарына қатысу жоспарда бар. Бұл жарыста спортшылармыз лайықты өнер көрсетіп, үздіктер қатарынан көрінеді деген ойдамын», – деді Дене мүмкіндігі шектеулі тұлғаларға арналған спорттық даярлау орталығының команда басшысы Мерей Бигарин.