Пара таеквондошылар әлемдік Гран-приде жүлделі орынға ие болды
Болгарияда пара таеквондодан «София – 2022» Гран-при турнирі өтті. Жарысқа әлемнің 25 мемлекетінен 85 спортшы қатысты. Бұл Париж-2024 Паралимпиада ойындарының алдындағы ірі квалификациялық жарыс болды. Турнирде ел намысын 4 спортшы қорғап, 2 қола жүлдеге ие болды.
Ерлер арасындағы +80 келі салмақтағы бәсекеде өнер көрсеткен Нышан Өмірәлі қола медальді жеңіп алды. Тартыста ол Жапония елінен келген таеквондошыны жеңіп, жартылай финалда Өзбекстан спортшысына есе жіберді. Ал, әйелдер арасында Кәмиля Досмалова -57 келі салмақта жартылай финалда Түркия спортшысымен түскен сында есе жіберіп, қола медальға қол жеткізді.
