Қазақстандық пара спортшылар Таиландта алтын және қола медальдарға ие болды
Паттайяда (Таиланд) өтіп жатқан пара пауэрлифтингтен Әлем кубогының жарысы қазақстандық спортшылар үшін сәтті басталды. Бұл Париж-2024 Паралимпиада ойындарына қатысу үшін маңызды лицензиялық және рейтингтік жарыстардың бірі. Бәйгеге әлемнің 33 елінен 157 спортшы қатысады.
Жарыстың бірінші күнінде Айдарқызы Әйгерім -45 кг салмақ дәрежесінде жастар арасында үздік есепте (77 кг) және үш тәсілілінің қосындысы бойынша 225 кг бағындырып, алтын медальдерге ие болды. Сондай-ақ, ересектер арасында үш тәсілдің ұпай сандарының қосындысына сәйкес (225 кг) қола медаль ұтып алды.
Ал, Шакиев Станислав -59 кг салмақта үздік есепте (173 кг) және үш тәсіл косындысына сәйкес (344 кг) екі қола медаль еншіледі.
Сондай-ақ, Құрманбаева Гүлім -45 кг салмақта үздік есепте (89 кг) қола медалінің жүлдегері атанды.
Әлем кубогында біздің еліміздің намысын келесі спортшыларда қорғайды:
- Қойшыбаева Раушан (73 кг);
- Хамаев Рахметжан (88 кг)
- Қабыл Тұрсынай (41 кг);
- Дегтярев Давид (54 кг);
- Шпицер Андрей (59 кг);
- Төлжан Фариза (50 кг);
- Исентемиров Ғани (+107 кг).
Жарыс 2024 жылғы 8-11 мамыр аралығында өтуде.
