21-23 шілде аралығында Малайзияның Малакка қаласында пара каратэдан Азия чемпионаты өтті. Жарысқа 6 мемлекеттен 50 спортшы қатысты. Азия біріншілігінде Қазақстан тарапынан 5 спортшы қатысып, 2 «алтын» және 2 «күміс» медаль жеңіп алды:
«Пара каратэдан Азия чемпионаты көру қабілеті, ақыл-ой және тірек-қимыл аппараты зақымданған спортшылар арасында өтті. Пара каратэдан жарыста спортшылар ката орындап, сынға түседі. Ката – ойша көз алдында елестеткен қарсыласпен жекпе-жекке түсетін қозғалыстар тізбегі болып табылады. Осы жарыста жүлде алған спортшылар қазан айында Будапеште өтетін пара каратэдан әлем чемпионатына қатысады», – деді Дене мүмкіндіктері шектеулі тұлғаларға арналған спорттық даярлау орталығының әдіскері Ахметов Абай.