Қазақстандық таеквондошылар Пара Азия ойындарына жолдама алды
2022 жылдың 24-27 мамыр аралығында Шарджа қаласында (БАӘ) пара таеквондодан Пара Азия ойындарына іріктеу турнирі өтті.
Жарысқа Қазақстан, Өзбекстан, Лаос, Филипин, Тайланд, Жапония, Бахрейн, Ирак, Иран, Индия, Непал және Монғолия мемлекеттерінен келген 70-ке жуық спортшы қатысты.
Турнирде ел намысын 7 спортшы қорғап, жүлделі орындарға ие болды:
1 орын – Алишер Гариполлаев (+ 80 кг);
2 орын – Жанболат Қазиев (- 80 кг);
2 орын – Милана Красавцева (-47 кг);
3 орын – Бауыржан Кушербаев (-63 кг);
3 орын – Нұрбек Жұмақан (-70 кг).
Оның ішінде А. Гариполлаев, Ж. Казиев және М. Красавцева Пара Азия ойындарына жолдама алды.
Айта кетсек, аталмыш ойындар төрт жылда бір рет өтетін дүбірлі дода болып келеді. Кезекті жазғы IV-ші Пара Азия ойындары Қытай Халық Республикасының Ханчжоу қаласында өтуі жоспарланған.
Жарысқа спортшылар басты серіктес «SportQory» қолдауымен қатысты.
