Грузияның Тбилиси қаласында өтіп жатқан пара пауэрлифтингтен әлем кубогының алғашқы күнінде Қазақстандық спортшылар 1 алтын, 2 күміс және 2 қола медаль еншіледі.
Фархат Мутунов 49 кг дейінгі салмақта жастар арасында 1-ші орын және үш тәсілдің ұпай санының қосындысы бойынша 2-ші орынды алды.
Ересектер арасында Ерболат Карибай 49 кг дейінгі салмақта үш тәсілдің ұпай санының қосындысы бойынша 3-ші орынға ие болды.
Әйелдер арасында 45 кг дейінгі салмақта Тұрсынай Қабыл 3-ші орын және үш тәсілдің ұпай санының қосындысы бойынша 2-ші орын алып, әлемдік рейтинте 7-ші орынға көтерілді.
«Әлем Кубогы спортшыларымыз үшін сәтті басталды. Жарыстың алғашқы күнінде Тұрсынай Қабыл жақсы нәтиже көрсетіп, Париж-2024 Паралимпиада ойындарының лицензиясына үміткерлер қатарына кіруге мүмкіндік алды. Пара пауэрлифтингтен лицензия иегерлерінің толық тізімі 5 шілдеден кейін белгілі болады», – деді Дене мүмкіндіктері шектеулі тұлғаларға арналған спорттық даярлау орталығының команда басшысы Ұлан Ануар.
Айта кетсек, пара пауэрлифтинтен әлем кубогы Париж-2024 Паралимпиадасына ақтық рейтинтік жарыс болып келеді. Жарысқа 72 мемлекеттен 330 спортшы жиналды. Ұлттық құрама сапында 12 спортшы өнер көрсетеді. Жарыс 26 маусымға дейін жалғасады.