Қазақстандық пара жүзуші, Токио – 2020 Паралимпиада ойындарының қола жүлдегері Нұрдаулет Жұмағали әлем чемпионатында Азия рекордын орнатты. Ол чемпионаттың жартылай финалында брасс әдісімен жүзуден 100 м қашықтықты 1:04.49 уақытта бағындырды. Финал бүгін Нұр-Сұлтан қ. уақыты бойынша сағат 00.00-де өтеді.
Айта кетсек, пара жүзуден әлем чемпионаты маусым айының 8-18 аралығында Португалияның Фуншал қаласында өтуде. Жарысқа 60 мемлекеттен 500-ден астам спортшы қатыспақ. Әлем чемпионатында ел намысын төрт спортшы қорғайды: Нұрдаулет Жұмағали, Сиязбек Далиев, Андрей Афанасьев және Нұрғали Советканов.
Жарысқа спортшылар басты серіктес «SportQory» қолдауымен қатысуда.
Спортшыларға сәттілік тілейміз!