XII қысқы Паралимпиялық ойындары Пхенчхан (Оңтүстік Корея) 2018 ж.
2018 жылғы қысқы Паралимпиялық ойындары (ресми атауы — XII Паралимпиялық қысқы ойындар) Пхёнчхан қаласында (Оңтүстік Корея) 2018 жылдың 9-18 наурыз аралығында өтеді.
Жарыс түрлері
Ойындарға 670 спортшы қатысады. Ойын бағдарламасында – 6 спорт түрі бойынша (тау-шаңғы спорты, биатлон, шаңғы жарыстары, следж-хоккей, сноуборд, арбадағы кёрлинг) жарыстар өтеді.
Биыл Пхенчханда паралимпиада медалінің 80 жиынтығы ойнатылады. Бұл 2014 жылы Сочиде өткен паралимпиадамен салыстырғанда 8 медаль жиынтығына артық. Медальдар санының артуы сноуборд түрінде болды, биылғы паралимпиада ойындарында осы спорт түрінде 10 медаль жиынтығы ойнатылады (оның ішінде үш класта 6 ерлер жиынтығы және екі класта 4 әйелдер жиынтығы), салыстырмалы алғанда 2014 жылғы Сочидегі ойындарда 2 медаль жиынтығы ойнатылды (1 ер және 1 әйел). Сондай-ақ арбадағы кёрлингте жарысатын командалар саны 10-нан 12-ге артты.
Қазақстан «PyeongChang2018» қысқы ойындарында шаңғы жарысы және биатлон тәрізді спорттың 2 түрі бойынша қатысады.
