2024 жылғы 15-20 сәуір аралығында Шиен қаласында (Норвегия) пара хоккейден әлем чемпионаты өтті (В тобы). А тобына кіру үшін алты елдің ұлттық құрамалары кездесті: Қазақстан, Ұлыбритания, Германия, Норвегия, Франция және Швеция.
Чемпионат қорытындысы бойынша Қазақстан құрамасы 4-ші орынға ие болып, В тобында өз орнын сақтап қалды.
«Жарыс ережесі бойынша алғашқы екі орынды иеленген екі команда А тобына өтсе, соңғы орын алған команда С тобына ауыстырылады. Біздің команда Швеция командасына 1:3, Германияға 1:12 және Норвегияға 0:7 есебімен жеңілсе, Ұлыбритания командасын 8:3 және Францияны 7:0 есебімен сенімді жеңіске жетті», – деді Дене мүмкіндіктері шектеулі тұлғаларға арналған спорттық даярлау орталығының команда басшысы Қайрат Сабиров.