Португалияда пара жүзуден әлем чемпионатында қазақстандық Сиязбек Далиев қола жүлдегер атанды. Ол баттерфляймен 50 м қашықтыққа жүзудегі бәсекеде 36.72 уақытты көрсетті. Жарыста бірінші болып Бразилия, екінші болып Грекия спортшысы мәреге жетті.
Сиязбек Далиев – Азия және Еуропа чемпионы, пара жүзуден Әлем кубогының иегері, Токио-2020 Паралимпиада ойындарының үздік бестіктегіндегі спортшысы.
Айта кетсек, пара жүзуден әлем чемпионаты маусым айының 8-18 аралығында өтуде. Жарыста 60 мемлекеттен 500-ден астам спортшы қатысып, бақ сынауда. Чемпионаттың бірінші күнінде Нұрдаулет Жұмағали брасс әдісімен жүзуден күміс жүлдеге ие болды.
Жарысқа спортшылар басты серіктес «SportQory» қолдауымен қатысты.